Good to know

Ferðamenn sem aka um Ísland þurfa að kynna sér umferðarreglur og fylgjast vel með færð á vegum.

Á umferdin.is er hægt að nálgast upplýsingar um færð á vegum. Vegagerðin veitir einnig upplýsingar um færð símleiðis (s: 1777) á virkum dögum.

Ökumenn þurfa að gæta sérstakrar varúðar í eftirfarandi aðstæðum:

Sauðfé á vegi: Ef kindur eru á veginum þarf að lækka hraðann. Oftast hlaupa þær af veginum ef flautað er á þær. Ef kind og lamb eru sitthvoru megin við veginn þarf ökumaður að gera ráð fyrir því að annað þeirra hlaupi yfir. Ef ökumaður keyrir á kind þarf að hringja í 112. Ökumenn gætu þurft að sæta ábyrgð sé keyrt á sauðfé á vegi.

Einbreiðar brýr: Þegar keyrt er að einbreiðri brú þarf að gæta varúðar og hægja á. Almennt gildir að ökutækið sem er nær, á réttinn.

Einbreið göng: Í einbreiðum göngum eru útskot til þess að bílar geti mæst. Þegar tveir bílar mætast þarf bílinn sem er með útskotið sín megin (hægra megin) að nýta það og víkja fyrir hinum. Mikilvægt er að aka hægt og varlega um einbreið göng.

Blindhæðir og blindbeygjur: Ökumenn þurfa að hægja á sér og gæta sérstakrar varúðar þegar um er að ræða blindhæðir og blindbeygjur.

Vegir á hálendinu eru fjallvegir, gjarnan kallaðir „F-roads“ á ensku. Til þess að keyra fjallveg þarf að vera á vel útbúnum fjórhjóladrifnum bíl. Akstur á fjallvegum er krefjandi. Fjallvegir eru margir hverjir holóttir og það þarf oft að aka mjög hægt eftir þeim.

Ferðamenn verða að kanna hvort keyra megi á fjallvegi á viðkomandi bílaleigubíl með því að rýna leiguskilmálana áður en lagt er af stað.

Á veturna er ófært á hálendinu. Opnun fjallvega fer eftir veðurfari, en er yfirleitt á tímabilinu frá lokum maí til júníloka.

Ferðamenn sem keyra fjallvegi þurfa að búa yfir þekkingu og reynslu af akstri í krefjandi aðstæðum. Auk þess þarf að vera á vel útbúnum, fjórhjóladrifnum bíl.

Á hálendinu þurfa ökumenn oft að þvera ár. Mælt er með að ökumenn sem hafa ekki reynslu af slíku snúi við og keyri þar sem ekki þarf að þvera. Bílatryggingar ná alla jafna ekki yfir tjón sem verður þegar ekið er yfir ár.

Kynntu þér upplýsingar á safetravel.is um akstur á hálendinu.

Veðurviðvaranir

The weather in Iceland can change rapidly meaning it is very important to be alert and check the weather forecast before and while travelling. Wind and more specifically, wind gusts can be particularly dangerous. Read more about weather in Iceland here. For easily accessible information about wind gusts check out the wet.is website.

In case of extreme weather, the Icelandic Meteorological Office (vedur.is) issues weather warnings according to a four-colour system (green, yellow, orange and red), with red indicating the most extreme weather which can cause hazardous conditions and high societal impacts.

Weather alerts are announced on vedur.is in a yellow box/banner and in the top right corner of the screen.

By clicking on the alert you are directed to specific and detailed information about the weather warning, including what type of weather is expected, how long the extreme weather is supposed to last and what regions will be affected.

Að klæða sig vel

Slysavarnarfélagið Landsbjörg eru landssamtök björgunarsveita. Þúsundir sjálfboðaliða og sérfræðinga eru virk í björgunarsveitum um land allt og aðstoða íbúa og ferðafólk á landi og sjó. Aðstoð í neyðartilfellum er gjaldfrjáls. Hins vegar geta ferðamenn sem fara ekki eftir reglum og koma sér vísvitandi í hættu, átt von á sekt og rukkun fyrir björgunaraðstoð.

Heilbrigðisþjónustu er hægt að nálgast á heilsugæslustöðvum um land allt. Til að bóka tíma hjá lækni samdægurs er hægt að hafa samband við síðdegisvaktir. Smelltu hér til að finna næstu heilsugæslustöð, skoða opnunartíma og fá upplýsingar um bráðaþjónustu.

Upplýsingamiðstöð Heilsugæslu höfuðborgarsvæðisins býður upp á símaráðgjöf allan sólahringinn og að auki er netspjall opið frá 08:00 til 22:00 alla daga. Sími: 1700.

Sjúkratryggingar: Heilbrigðistryggingakerfið á Íslandi er greiðsluþátttökukerfi sem dregur úr heilbrigðiskostnaði fólks. Hins vegar er ekki öll heilbrigðisþjónusta gjaldfrjáls. EES-borgarar greiða jafn mikið og íslenskir ríkisborgarar fyrir heilbrigðisþjónustu á Íslandi svo lengi sem þeir eru með evrópska sjúkratryggingakortið. Ríkisborgarar annarra landa fá enga niðurgreiðslu og greiða fullt gjald.

Lyf er hægt að nálgast í apótekum um land allt.

Nánari upplýsingar um heilbrigðisþjónustu á Íslandi má finna hér.

Öldur: Við ýmsar strendur (t.d. Reynisfjöru) geta öldur verið varasamar og gengið langt inn á land. Slíkar öldur eru það kröftugar að þær geta hrifið fólk með sér út á sjó.

Jarðhitasvæði: Hitinn við jarðhitasvæði er oft um 100°C. Því er mikilvægt að forðast snertingu við vatnið og fylgja merktum gönguleiðum.

Hálka á göngustígum: Á veturna er oft hálka á göngustígum, sér í lagi nálægt fossum. Þá er mælt með því að nota mannbrodda.

Ferðamenn þurfa að fylgja reglum og leiðbeiningum sem standa á skiltum og þeim ber að virða afgirt svæði.