Um ferðamenn á Íslandi
Langflestir ferðamenn koma til Íslands til þess að upplifa fjölbreytta náttúru og einstök náttúrufyrirbæri, svo sem norðurljós, fossa og jökla.
Hvað gera flestir ferðamenn á Íslandi?
Flestir heimsækja Ísland að sumri til (júní – ágúst).
Ísland er skemmtilegur áfangastaður allan ársins hring. Á sumrin er veðrið mildara og ferðamenn geta notið bjartra sumarnátta, en kosturinn við að koma á veturna er að þá eru færri ferðamenn og jafnframt möguleiki á að sjá norðurljós.
Flestir ferðamenn dvelja í 6-8 nætur á Íslandi.
Þeir dvelja nú lengur en fyrir Covid-19 heimsfaraldurinn.
Flestir ferðamenn gista á hótelum, gistihúsum eða á tjaldsvæðum.
Nánari upplýsingar um hvaða gisting er í boði og hvar er hægt að finna hér.
Flestir ferðamenn heimsækja höfuðborgarsvæðið og Suðurland.
Ein af helstu ástæðum fyrir því að þessi svæði eru fjölsótt er nálægð þeirra við Keflavíkurflugvöll, en flestir koma til Íslands í gegnum flugvöllinn.
Flestir ferðamenn ferðast um Ísland á bílaleigubíl.
Þar sem flestir ferðast um Ísland á eigin vegum er mikilvægt að upplýsa ferðamenn um öryggismál eins og umferðarreglur og færð á vegum (sjá Öryggi).
Vinsælasta afþreying ferðafólks eru náttúruböð, sundlaugar og söfn.
Framboð á afþreyingu er raunar mjög fjölbreytt. Smelltu hér til að fá nánari upplýsingar.
Fjöldi erlendra ferðamanna
Ferðamönnum á Íslandi fór að fjölga verulega árið 2011 eftir efnahagshrunið og eldgosið í Eyjafjallajökli. Árið 2017 fór fjöldi ferðamanna í fyrsta sinn yfir 2 milljónir.
Flestir ferðamenn (yfir 90%) koma til landsins í gegnum Keflavíkurflugvöll.
Ferðamenn sem koma með skemmtiferðaskipum eru taldir sér (nánar hér).
Þjóðerni
Árið 2021 komu flestir erlendir ferðamenn frá Bandaríkjunum, Þýskalandi, Bretlandi, Frakklandi og Ítalíu.