Áfangastaðir eftir landshlutum
Norðurland
Norðurland er vingjarnlegur og friðsæll landshluti. Þar er hægt að heimsækja Akureyri, stærsta bæ Íslands utan höfuðborgarsvæðisins, fjölmörg sjarmerandi sjávarþorp, vinsælasta skíðasvæði landsins og íslensku jólasveinana í Dimmuborgum.
Mælt er með því að aka Norðurstrandarleiðina og Demantshringinn til þess að upplifa það sem Norðurland hefur upp á að bjóða.
Vinsælir áfangastaðir:
Höfuðborgarsvæðið
Höfuðborgarsvæðið er þekkt fyrir ríkulegt menningarlíf, spennandi næturlíf og afslappað andrúmsloft. Í miðbænum er skemmtileg blanda af litríkum bárujárnshúsum og nútímalegum byggingum sem bjóða upp á úrval verslana, safna og annarra áhugaverðra staða. Aðalgöturnar eru Laugavegur og Skólavörðustígur.
Vinsælir áfangastaðir:
Reykjanes
Reykjanes einkennist af hömrum, hrauni, gígum, eldfjöllum og jarðhita. Reykjanes hefur verið viðurkennt sem „UNESCO Global Geopark“ vegna jarðfræðilega mikilvægra minja og landslags.
Vinsælir áfangastaðir:
Suðurland
Landslagið á Suðurlandi er einstaklega fallegt og fjölbreytt. Hægt er að skoða og upplifa náttúruna allan ársins hring.
Vinsælir áfangastaðir:
Austurland
Austurland einkennist af litlum þorpum, fallegum strandlengjum, djúpum fjörðum, fossum og fjöllum. Það er alltaf stutt í náttúruna og gestir geta notið útivistar allan ársins hring.
Vinsælir áfangastaðir:
Vestfirðir
Vestfirðir kallast norðvesturhluti landsins sem einkennist af djúpum og stórbrotnum fjörðum. Á Vestfjörðum er lítil sem engin fjöldaferðamennska og er landshlutinn sagður eitt af best geymdu leyndarmálum Íslands.
Góð leið til þess að ferðast um Vestfirði er að aka Vestfjarðaleiðina.
Vinsælir áfangastaðir:
Vesturland
Vesturland einkennist víða af fallegu og áhugaverðu landslagi. Vesturland er þekkt fyrir söguferðaþjónustu, fossa og jökla.
Vinsælir áfangastaðir:
Íslandi er skipt upp í sjö landshluta með tilliti til ferðaþjónustu. Hver landshluti hefur sína eigin vefsíðu þar sem hægt er að nálgast upplýsingar um áfangastaði ferðamanna og þá þjónustu sem er í boði.
Smelltu á kortið til þess að fá frekari upplýsingar um vinsælustu áfangastaðina í hverjum landshluta.
Hægt er að nálgast upplýsingar um ferðaþjónustu á öllu landinu á visiticeland.com.
Árstímabundið aðdráttarafl
Norðurljós
Eitt helsta aðdráttarafl Íslands á veturna eru norðurljós.
Þau er aðeins hægt að sjá á veturna (vanalega frá miðjum september þangað til um miðjan apríl). Til þess að hægt sé að sjá norðurljós þarf að vera heiðskýrt og jörðin þarf að vera innan í straumi sólvinds.
Á auroraforecast.is er hægt að skoða norðurljósa- og skýjahuluspá.
Íshellar
Á veturna (vanalega frá október fram í mars) er hægt að skoða íshella, en það fer mikið eftir veðri.
Víða erlendis er hægt að skoða sömu íshellana ár eftir ár, en á Íslandi breytast aðstæður eftir hvern vetur og því þurfa leiðsögumenn að finna nýja hella ár hvert.
Ekki er mælt með að fara inn í íshella nema með reyndum jökla- eða fjallaleiðsögumanni og nauðsynlegum öryggisbúnaði.
Smelltu hér til að sjá hvaða fyrirtæki bjóða upp á íshellaferðir með leiðsögn.
Auk íshella sem myndast náttúrulega getur ferðafólk einnig skoðað manngerða íshella allan ársins hring.
Lundar
Á sumrin er hægt að sjá lunda á Íslandi, vanalega frá miðjum apríl fram í lok ágúst.
Meðal vinsælustu staða til að sjá lunda eru:
- Dyrhólaey
- Reynisfjara
- Ingólfshöfði
- Vestmannaeyjar
- Látrabjarg
- Hafnarhólmi (Borgarfjörður Eystri)
- Grímsey
- Breiðafjörður
